政情：IQ博士炒冷飯博表現

早前已傳出中華總商會副會長方文雄想踢走IQ博士，取代佢做中總嘅立法會代表。IQ博士為求趕走敵人，連非常懶嘅佢都開始做嘢，尋日提出動議辯論，話要協助市民應對經濟波動。但睇真啲，同上星期劉江華提出嘅「減輕中產人士經濟負擔」熟口熟面。

唔知係咪因為議題相似，發言嘅議員都唔多，內容同上星期更加係如出一轍，議員官員交鋒時都係零火花。不過提出辯論嘅IQ博士就非常認真，少有無瞓覺之餘，仲全程聽足議員講嘢，不時點頭回應交足戲。由於博士都係交行貨，所以負責回應嘅官員財經事務及庫務局局長陳家強，都只係草草講幾句就算數。