政情：「嫩口」Greg蘇 過幾日財爺癮

話時話，點解今次會由Greg蘇做兼任財爺呢？根據過去慣例，財爺外訪或休假時嘅職務，通常都會搵啲資深局長兼任，就以今次嘅例子，理應搵財經事務及庫務局局長陳家強兼任。就算陳家強陪同鬍鬚曾一齊外出公幹，亦未輪到Greg蘇做，過去就試過由發展局局長林鄭月娥兼任。不過，咁啱林鄭又喺嗰段時間率領代表團出席芬蘭赫爾辛基舉行嘅世界環保樓宇會議，所以先至由咁「嫩口」嘅Greg蘇兼任。