政情：高永文踩唐唐拆彈渣

近日唔少政商界人士先後回應唐英年嘅婚外情，尋日見到骨科名醫高永文，梗要問吓佢點睇呢單醜聞啦，佢話唐唐處理件事嘅手法做得唔好，對將來特首選情一定有影響。高醫生曾經被傳為另一疑似特首候選人梁振英嘅陣營，又鐵定同其他六位名醫合組名單參加醫學界選委，但被問到支持邊個參選，佢依然話要睇完候選人嘅政綱後先至決定喎。
高永文（站立者）批評唐英年喺婚外情事件上處理得唔好。（羅錦鴻攝）
高永文（站立者）批評唐英年喺婚外情事件上處理得唔好。（羅錦鴻攝）

其實高醫生嘅批評已經算係含蓄，尋日出席另一活動嘅香港家庭教育學院主席狄志遠就鬧得更狠，佢話市民對於公眾人物，無論喺工作操守或家庭上都有一定嘅要求，今次唐唐爆出婚外情，相信對唐唐會有負面影響。佢又話，唐唐交代得唔好，令到大家都有好多疑問，希望佢可以做好啲，如果有反省、肯改變，對其他公眾人物都有一定嘅警惕，會留意個人操守及家庭生活。

狄志遠話唐英年婚外情可警惕其他公眾人物留意個人操守及家庭生活。
  • 狄志遠話唐英年婚外情可警惕其他公眾人物留意個人操守及家庭生活。

「Money18免費即秒股票報價網站」現推出8升級功能，財經資訊，實時實發！