副總理李克強訪港，有關警方設置「核心保安區」拗到火花四濺。大律師公會指警方設置「核心保安區」並無任何法律基礎；而律師會會長何君堯則強調，警方設保安區有法理依據，因根據《公安條例》第６條，警務處長可為維護國家安全或公共秩序等管制集會遊行，甚至限制公眾地方說話或奏樂的聲量。
保安局局長李少光當然要挺警隊一哥做得好；至於本報同文亦各有表述。嗱！呢啲就叫言論自由。不過，有一點大家要搞清楚，言論自由並非如壹淫媒爛蘋果嘅老作，罔顧職業操守，為賣多兩份不惜造謠誹謗，乜鬼卑鄙污糟手段都做得出，令人齒冷。
搞清楚言論自由及老作嘅分別，講番「核心保安區」呢個火頭，如果根據保安理由，李少光及一哥對北大人嘅保安，真正做到「水潑不入」、「針插不進」，的確好嘢。老朽咁講，係睇到凌雲的《鄧小平訪美安全警衛工作紀實》，其時為一九七九年中美建交和鄧小平副總理訪美，對台灣國民黨無疑是一次重大打擊，尤其中美《聯合公報》公布後，數日內便有許多對鄧不利的警報。
無論是真是假，以當時美國人口二億，民間就有一億零五千支槍，美國總統及政要被暗殺的又特別多，如何保安確是大問題。美方亦證實，台灣方面的人會搞遊行示威，限於美國法律總統也不能制止，但可以控制在一定範圍，不過，鄧小平及隨從可能會聽到及望到。可見「核心保安區」是有的，而香港能做到令北大人聽唔到望不見，功力勝一籌。