政情：葉文斌忙碌有拖冇得拍

因工作關係，Terry平日同女友甚少見面，幸好女友好支持佢做地區工作，就好似今年農曆新年，佢扮成財神落區同街坊拜年，女友為表支持，亦着起中國傳統服飾同Terry及大班義工玩埋一份，有咁好嘅女友，Terry自言會好好珍惜對方。

做咗咁耐地區工作，Terry遇過唔少感動事，記得有次落完區後趕住去搭巴士開會，當時係傍晚六點幾鐘，咁啱畀個相熟街坊撞到，對方知道佢未食飯，突然轉身行咗去。Terry初頭唔知乜事，點知臨上車之前個街坊就急急跑過來，原來對方竟然跑去買咗袋麵包畀Terry，搞到佢感動到唔知講乜好。