國務院副總理李克強訪港期間，警方聲稱設立咗「核心保安區」，搞到生人勿近，有學者覺得當局要釐清有關法律含意。不過，作為警方一分子嘅警務督察協會主席曾昭科，尋日就竟然話佢都係第一次聽「核心保安區」呢個中文名，聽完之後都打咗個突，仲話呢個名只係警方行動中嘅內部指令，而且只係得英文名。聽完佢講真係明白晒，原來當初警方係作個中文名出嚟狡辯，以掩飾佢哋粗暴及過敏嘅保安安排。
