政情：市民對立會三大謬誤

街坊見議員成日喺鏡頭前瞓覺，所以第二個誤解，就係以為議員開會開得好辛苦都冇地方休息，查實會議廳前廳設有大梳化，議員瞓到扯鼻鼾都唔會有人捉。市民嘅質疑真係當頭棒喝，議員攰可以喺前廳休息，休息夠咗，出到會議廳就打醒十二分精神喇唔該。

大樓裏面最多街坊鍾意嘅地方就係宴會廳，佢哋以為議員食飯唔使畀錢，查實宴會廳唔係一間飯堂，唔係經常有飯開，除咗有咖啡同茶供應，其他所有食物都係到會，議員食飯亦當然要畀錢。