肌萎漢盡父責 正能量導子成長
【本報訊】「個仔係我生命動力，幾辛苦都要撐落去，亦令我更珍惜家人﹗」原是運動健將的梁劍剛十四年前不幸患上肌肉萎縮症，自此行動不便，出入要持拐杖或坐輪椅，但他未想自暴自棄，更要盡好父親責任，以自身例子灌輸兒子積極人生觀，「我雖然唔能夠同個仔跑步打波，但用愛去教導佢幫助佢成長，一家人互相鼓勵。」一家人能夠開心平安，是梁劍剛父親節的願望。
活過預計生命期限
四十三歲的梁劍剛九七年結婚後三個月，在一次打籃球回家後突然休克，其後證實患上肌肉萎縮症，醫生更推斷他只餘十年生命。梁的胞兄同樣患有該病於數年前病逝。藥物治療及梁劍剛堅定求生意志「大步跨過十年期限」，可是近年手腳肌肉日漸退化，容易氣促及易攰，坦言擔心不知何日會突然離世，「醫生都評估唔到」。由於不知道自己還剩多少日子，所以他準備了兩本筆記簿，分別寫下心裏想跟太太及兒子的說話，留給至愛作最後回憶。
梁劍剛患病四年後與太太生下兒子「樂天」，下月將十歲。有病在身時照顧年幼的樂天會較吃力，「當樂天仲係BB時，一日抱住佢但雙腳突然無力快要跌倒，只好拋佢上側邊張床度，有驚無險。」為購買樂天喜愛的高達模型，為父者不惜手持拐杖四處跨區張羅，是名副其實的廿四孝爸爸。
由於梁劍剛以自身例子灌輸正能量予兒子，樂天自小就樂觀積極，更說知道爸爸因病行路辛苦，所以出街時都會替他推輪椅，平日在家會為爸爸煮麵以盡孝心。