政情：涉歧視女性馬世民耍冧

馬世民仲話，請女士做嘢有風險㗎，因為女士都希望結婚生仔，加上孕婦有九個月產假，令到女士們喺職場上嘅能力有限喎。

被轟「難以置信咁原始」

馬世民言論一出，當然惹嚟各界喪鬧，英國商務大臣祈維信（Vince Cable）就狠批，馬世民嘅言論係「難以置信咁原始（unbelievably primitive）」。為咗挽回聲譽，馬世民拿拿聲道歉話自己百分百致力於平等機會，仲補鑊話如果企業未能處理女性喺各階層參與度低嘅問題，就會有競爭上嘅劣勢。事實勝於雄辯，據英國《星期日電訊報》講，嘉可能並無女董事，睇嚟馬世民要做吓嘢啦。