政情：劉健儀夢中回憶立會

Miriam係個重情嘅人，佢話由幼稚園起喺瑪利諾修園學校讀書讀足十三年，但到今時今日仲成日憶起喺學校上堂及課外活動嘅情景。所以Miriam感慨話，當佢一離開現時立法會大樓，相信所有回憶都不能自制地湧出，將來可能晚晚發夢都夢見立法會嘅舊事。至於最有可能夢到乜嘢，Miriam就笑笑口話發咗夢先可以同大家分享喎。

Miriam又話，最唔捨得宴會廳係因為嗰度係全棟大樓擺設最具韻味嘅地方，加上最近立法會頻頻開長命會，經常要喺宴會廳醫肚，所以印象特別難忘。