全國政協委員方黃吉雯囡囡隻馬「科研精英」尋晚又跑第一，計埋今次已經贏咗四次比賽，成績相當亮眼。
小吉尋日親自到場打氣，一身金黃色外套，同佢囡囡隻馬一樣咁Sharp！睇真啲，原來件外套嘅花紋係馬嚟㗎。小吉話，囡囡去咗上海公幹，今次專登入場「代女打氣」，之前真係冇諗過又可以拉頭馬，所以覺得好驚喜喎。佢仲透露，「科研精英」呢匹良駒原本唔係好定性，但自從去年閹咗之後，成績突飛猛進，佢都覺得好開心。
（徐家浩攝）
