中環出更：李剛即席揮毫畫作不稱心

怨紙筆有問題

李剛一入場，主持人就大爆李剛最叻畫竹，冇耐主辦單位筆墨侍候，李剛順應民意喺宣紙上寫起畫嚟，不過佢似乎唔係畫得好順手，一路畫一路話宣紙唔對路，支毛筆都唔係佢用開嗰隻，幾經波折畫完後，佢都唔係幾滿意自己嘅作品。主人家話要裱起佢，佢堅決拒絕，可能諗住獻醜不如藏拙。

成個筆會就好似武林大會，除咗李剛畫竹，日本過江龍、蒼文篆會會長尾崎蒼石寫咗一幅雙壽字畫，福建幫大佬施子清同學會會長蕭暉榮就以福同壽字互贈。成個聚會，充滿墨香。