旅人時光：老馮物體有幾個？
「阿X，你去日本旅行嘛，幫我買個福袋返嚟吖，唔該。」X的男同事趁X一家在新年出發前，特地打了個內線電話給她代買福袋。一個普通福袋當然沒多大問題，X覺得反正她一家大小去旅行，或許還可以騰出點點位置與重量幫人帶幾件衫回港，所以隨即向同事答道：「都應該OK的，邊間的福袋？」同事說：「Le Creuset呀，我聽朋友話佢上年的10,000日圓福袋裏面有一個大煲和兩隻碟，好抵呀！你幫我買一袋吖。」
朋友聽罷，腦海只湧出四個大字來。
雖則是抵買，人家是但一個煲已經賣過千元，七百幾港元有個煲，還多了兩隻碟，隻碟用來墊花盆底都覺得抵吧！可是，那牌子出品的煲煲鑊鑊，其重量並不是人咁品，求其一個煲已經重到像孭了個電視機上身，點托回來？自己要買，心甘情願；但替別人更因為價錢較便宜而買，就有點兒那個吧。還有這並非點對點的運送事情，而是專程到商店買下，即刻將那袋「磚頭」拿回酒店，若是打後不用轉酒店並返香港的話，便要托去機場上機，然後從香港機場托回家裏，某日再拿回公司人肉送貨。換句話說，即是購買後還有四個程序跟手尾。
有些人，就是好意思「老馮」地信口開河叫人幫自己做些非必要的無謂事情，而原因只是簡單的兩個字：貪平。「你都去開o架啦，順道幫我買少少嘢唔得嘅咩？又唔係唔畀番錢。」如此不懂顧及人家感受，只知自己利益行先的「物體」，在你身邊又有多少個呢？
網址：www.facebook.com/lamwaimei/