渡海濠情：理性行頭 唔怕被呃

愛情騙子

唔少女士以為愛情騙子只會用言語攻勢嚟騙得芳心，小曼就話其實愛情騙子唔只識得呢種方法，佢哋仲會特意打扮得體加上一身名牌，從而博取女士嘅好感。小曼表示：「嗰啲相信一見鍾情嘅女士，見到對方外形吸引同埋言談得體，自然會大動芳心，結果咪係畀人呃，最終落得人財兩失，到時真係後悔莫及呀！」聽小曼咁講，佢好似對呢種人好認識。小曼解釋：「呢種人真係見得唔少，尤其係喺的士高同酒吧，更係容易遇到佢哋。有啲姊妹就係因為太過相信感覺又唔聽我勸，過咗個禮拜咪收到佢個電話，話我知佢同人哋上咗幾次床先至知畀人呃。」

識分真偽

問到小曼驚唔驚會遇上呢種人時，佢好有自信咁話一定唔會，事關佢份人好理性，唔會畀佢哋嘅言語同埋外表所迷惑。老實講，唔少女人都識得咁講，到頭嚟咪又係畀人呃。小曼聞言擰頭話：「我一定唔會！首先我唔係個相信一見鍾情嘅人，唔會畀我嘅感覺牽住走。其次係我好熟悉名牌，尤其係男性嘅名牌商品，我只要一睇就知道佢嘅價錢同埋款式，最重要識得分辨真偽，一定唔會畀佢哋嘅行頭呃咗。」雖然小曼唔驚遇上愛情騙子，但佢卻不諱言自己其實都算係騙子一族，皆因佢每次有性需要時，都會去溝仔打友誼波，玩完之後即刻鬆人，一啲都唔會畀對方機會咁話。

小曼Profile　　

身高：5呎3吋

三圍：33、23、34

撰文：魂

攝影：德