GALAXY Tab 8.9輕型薄切

提起研發屏幕技術，很多人都會聯想到Samsung，日前有消息指，Samsung將於明年量產首部可屈曲屏幕的GALAXY Skin手機！但新機未出之前，廠方仍主打平板電腦，繼早前推出GALAXY Tab 10.1大賣後，最近再推出迷你版GALAXY Tab 8.9，加埋先前發布的7.7吋版，啱啱湊夠7、8、9、10；最重要是新機玩盡雙核、靚芒加薄切，8.6mm隨時薄過你用開部手機，輕巧到震！

售價：待定

縮水平板單手握實

外表上，新機其實同先前推出的GALAXY Tab 10.1分別不大，不但配色一樣，連鏡頭擺位亦相同，唯一分別是喇叭由機側改為機底，唔細心睇真係分唔出！新機除了屏幕縮小至8.9吋，連重量亦下降至453g，最重要是機身僅厚8.6mm，仲薄過一本雜誌，左攝右攝都掂！而且機身體積縮小後，男士們單手可以握實，邊行邊玩更方便！

極速雙核自家介面

規格方面，新機繼續沿用1GHz雙核心處理器，加上1GB RAM，打機、睇片都冇窒格。惟要留意，因為機身採用一體成形設計，並冇提供記憶卡槽，所以儲存工作要靠16GB內置記憶體，鍾意睇HD影片和玩遊戲的朋友可能要就住用喇！當然，不得不提新機預載TOUCHWiZ 4.0自家介面，除了加入整合社交網絡的Social Hub，多工快捷功能欄Mini Apps Tray，以及可調校大小的Widgets之外，亦特別引入大量本地Apps，例如讓小朋友學習筆順的《中文練字》，林一峰與設計師Chocolate Rain合作的電子書《返回星空》，以及大人細路都啱玩的《飛行棋大戰》，可說為香港用家度身訂造。

機身外表與GALAXY Tab 10.1幾乎一樣，不過8.9吋屏幕有1,280×800解像度！

機身外表與GALAXY Tab 10.1幾乎一樣，不過8.9吋屏幕有1,280×800解像度！

背殼採用塑膠物料，手感只屬一般。

備有3G版本，一插SIM卡即可上網。

同場加映GALAXY S II 雪白潮Phone

之前iPhone 4推出白色版，曾引起一陣騷動，可見白色手機確有忠實粉絲支持，Samsung深明此道理，同場推出白色版GALAXY S II。機身面板、背殼、按鍵一律改成白色，感覺統一之餘，效果仲相當Grand。機能方面，則與黑色版相似，內置1.2GHz雙核心處理器，行Flash、玩Apps都極之流暢；另一賣點是採用Super AMOLED Plus靚芒，4.3吋屏幕對比度十分高，睇相零舍Sharp醒！