盂蘭應節Apps

Top 1

《香港靈異故事》

售價:2.99美元

(折約 $23.3港元)

臨近農曆七月十四中國鬼節,阿媽會叫你唔好咁夜返屋企,八八卦卦的朋友、同事提到個「鬼」字都住口不言,但愈故作神秘只會令人愈驚。世上確實曾發生過好多解釋唔到的事情,電子書《香港靈異故事》就收集了45個香港靈異故事,是真是假就由讀者自行判斷。

45個香港靈異故事中,話唔埋有提到你住緊的地方!

Top 2

《撞鬼.驅鬼》

售價:4.99美元

(折約 $38.9港元)

萬一唔好彩撞鬼點算呀?靈異節目主持人潘紹聰所著的《撞鬼.驅鬼》或者可以作為參考資料。這本電子書輯錄了10個撞鬼個案和8個驅鬼個案,不幸遇到相類似的情況時,都可以了解其他人的做法。時運高遇唔到,就當係認識一下另類行業都有得益。

書中除了講述真實的撞鬼個案,也有驅鬼實錄,遇到同類情況可以作為參考。

Top 3

《See Ghost》

售價:0.99美元

(折約 $7.7港元)

唔使驚,呢張唔係靈異照片,而係用iPhone App《See Ghost》造出來的效果。這程式說穿了其實跟平時用的相框功能差唔多,只不過相框圖案換成鬼魂的影像。用家可以即拍或將相簿內的相片合成出一張恐怖的靈異照片,搞笑、驚嚇,悉隨尊便。

將相片和鬼魂影像合成,唔知情的人以為是真的靈異照片都唔出奇。

撰文:陳若冰