惠理：5G與醫療股望跑贏

徐福宏接受訪問時表示：「美國總統特朗普好難估，就連香港政府都估唔到事態發展會到今時今日咁嘅地步！如果美國要對中國進口商品進一步加徵關稅，可能會喺啲同經濟無關痛癢嘅部分加，全部加徵高關稅恐怕美國都頂唔順……佢或者想再對付一啲中國科企，但要美企撤走真係好難做到。」

歐央行放水刺激有限

他又指，即使中美貿易戰升級，相信港股跌幅不會如去年般大，「市場已適應咗先係威脅，之後握吓手，然後再度惡化嘅模式，下行空間暫時唔會太大。」至於歐央行再減息及重啟量寬，他認為已在市場預期當中，「無乜刺激作用，如果多過預期，我反而擔心經濟真係好唔掂。」

儘管年初至今港股劇烈波動，但5G、醫藥及體育用品板塊今年依然有不少股份顯著跑贏大市。他直言：「市況咁差，資金湧晒入優質股，盈利前景明朗嘛。雖然係擁擠交易，但又無得拗，因為其他嘢人哋又唔想買。如果基金要跑贏基準指數，大型股尤其係指數成分股，好難有人沽。」

現時悶局下，他看好內地上市的5G及高科技零部件股，主要是內地正全速建設5G網絡，並鼓勵自主研發，不少企業具備技術儲備迎合這個商機，況且經歷去年中美科技戰等負面消息後，股價已經不昂貴。

內銀估值低 前景中性

醫療保健板塊方面，去年下半年內地推藥物「帶量採購」政策，市場當時未充分了解政策，覺得藥廠毛利受壓，但其實是反應過大。政策會清洗一批質素欠佳的仿製藥生產商，但同時龍頭股有望在整合潮中擴大市場份額，而且他們亦有理想的原研藥儲備，彌補仿製藥方面盈利下跌。

至於被外資對沖基金盯上的內銀股及內房股，他說只屬「中性」。「惠理去年上半年罕有對內銀股好正面，原因係『去槓桿』可望改善資產質素，係一個催化劑，但去年中內地改口風唔再強調『去槓桿』就沽返，擔心資產質素。認為內銀股『中性』，只係因為佢估值好低。」

內房調控或漸進鬆綁

內房股方面，售樓增長恐將下跌，而且內地房地產企業減少買地，個別負債高及外債受人民幣貶值衝擊的股份宜避開。然而，這個板塊同樣估值很便宜，中央早前由於一、二線城市樓價升幅過快，為保障民生才「出手」調控，若經濟進一步顯著下行，或有機會漸進式鬆綁。