絲絲講場：銀行界少林寺育才有鐵證

有銀行界「少林寺」之稱嘅花旗銀行，培育過唔少金融精英，尋日又有人才培育計劃嘅兩個成功例子喇！

花旗即日起委任何文俊出任保險業務主管，並由李冠康出任信用卡及無抵押信貸業務主管。

原來佢哋都係○六年加入花旗，以管理培訓生（MT）出身，一做就做咗十二年。李冠康出任現職前係信用卡業務組合管理主管，何文俊出任現職前係存款、證券外匯交易及孖展產品主管。

花旗集團香港及澳門區行長伍燕儀話，佢兩位對集團有深厚認識，以上任命印證銀行對內部晉升優秀人才重視，深信佢哋履新後會帶動香港個人銀行業務強勁增長。連一姐都對佢哋咁有信心，絕對係MT出身嘅成功人辦！

余絲韻