絲絲講場：基金經理鬥贏AI保飯碗？

對沖基金數據研究公司Eurekahedge嘅對沖基金指數，都有追蹤對沖基金行業表現。指數顯示，交易過程用AI與機器學習嘅對沖基金表現，今個二月係史上最差。

AI基金指數勁跌7.3%

現時連基金經理都擔心會畀電腦程式搶飯碗，事實上，AI基金指數上個月跌7.3%，而普遍對沖基金研究指數只係跌2.4%。

AI基金嘅表現，連定量基金與期貨基金（CTA）都不如。

有分析話，可能係因為二月大市波動，影響到AI嘅自動追蹤趨勢策略，搞到啲由AI「管理」嘅對沖基金出現創紀錄虧損喎。

安永法證技術及電子發現服務亞太區主管邱成官話，即使企業增加先進工具與科技投資，「但須謹記，人類判斷永不會被機械人取代。」

余絲韻