世界上，已經無嘢可以阻到Bra股維珍妮（02199）主席洪游奕睇波。
尋日洪主席心情興奮，其中一個原因係維珍妮業績省鏡。截至三月底止年度，維珍妮純利大升30.86%至4.42億元，派末期息5.6仙。連英國脫歐都無影響佢哋當地訂單！
同埋，尋晚香港籃球聯賽甲一季後總決賽第四戰——南華大戰東方！呢場絕對係南華決定性一役，洪游奕作為南華班主，話明實到場支持。
唔止睇波，洪生連做生意都愛籃如命，佢話研究緊推出籃球鞋添。Bra股出波鞋？有睇頭有睇頭。
余絲韻