絲絲講場：鱷女職訓：突圍要搞關係

唔好淨係埋頭苦幹

「對年輕女性嚟講，冇錯，的確先要做好份工，但仲有樣一定要盡早開始做嘅，就係投資喺人際關係上，唔好淨係埋頭苦幹，要同每一個有機會掂到你個位嘅人都建立關係！」摩根士丹利全球財富管理副主席Carla Harris講嘅，係人際關係。

Harris話，大家出嚟做嘢有兩種本錢：一種係「工作表現」，另一種就係「人際關係」。佢話好多女人只一味掛住做出好表現，而忽略咗以下呢點。

「當你去到有一定工作經驗時，人家預咗你嘅工作能力有咁上下；呢個時候，想跑贏其他同事，就要睇你有幾多人脈。」

佢仲提醒大家，做得咁上下，人哋就睇你有冇能力去領導團隊，又係建基喺「人際關係」四個字！所以話，關係愈早學識搞愈好！

余絲韻