絲絲講場：俄首富買阿里賺5倍

佢仲話自己喺阿里嘅投資勁增咗五倍多，但究竟佢揸咗幾多？奧斯曼諾夫就賣個關子：「唔算多，夠使咁囉。」

勁賺後「同fb講拜拜」

想當年，fb創辦人朱克伯格為咗賣股畀奧斯曼諾夫，將自己嘅投票權割愛讓出，俄國首富入股價相當於fb嘅估值60億至100億美元，佢同合夥人一共買咗fb約10%股份。

今時今日fb市值已經超過2,000億美元，但估唔到奧斯曼諾夫喺勁賺之後，竟然撇低一句：「我尊敬fb，但我要同fb講拜拜。」言下之意，首富已經貪新忘舊。咁佢又啱，投資呢啲嘢，係要見好就收嘅。

睇好小米將變巨人

除咗阿里之外，奧斯曼諾夫亦睇好中國低成本智能手機製造商小米，認為佢係「未來嘅科技巨人」。另外，俄首富都對印度科網股都好有信心，尤其係網上交易平台。

佢認為新興市場仍被低估，唔知小米同印度科網股會唔會成為首富先生下一個新寵呢？

余絲韻