e+創業：百變香水 搶攻港市場

Glamour Perfume市場部經理林燕妮（Benni）表示，一直以香味為主線設計各類產品。現時公司除了有香水產品之外，更有香薰、按摩油及驅蚊劑等，產品多樣。除此之外，更為公司及酒店等機構製造禮物和紀念品，以及舉行香水派對服務。

度身調配 多花款

面對同業競爭，加上國際知名品牌亦慣常推出香水產品，Benni表示，Glamour Perfume勝在多選擇及持久性高。「目前有100種不同味道畀客人選擇，市面上嘅香水香味種類就冇咁多，而且大部分都係已經調配好嘅產品。相反，我嘅香水會因不同揮發時段改變入面嘅味道，配合唔同客人嘅個人風格。」

至於名牌效應，Benni補充，「好似衫咁，一個女仔嘅衣櫃入面有好多衫，除咗Branding之外，大家揀衫時仲會考慮咩衫配合咩場合同埋價錢等等，其實香水都係一樣。」

提到何以萌生DIY香水的做法，Benni指出，外國已經有很多為客人設計的香水產品，惟現時香港市面上大部分只是已完成製作的香水，可見DIY香水別具特色，故開拓這一個嶄新的市場。

擬擴大內地規模

在宣傳方面，目前集中門市推廣，另亦設有facebook專頁及店舖網站。

不過，Benni認為，口碑也是店舖宣傳的重要途徑之一。香水價錢由200至500多元不等，屬於中等水平價錢。現時Glamour Perfume在香港已開設了4間分店，並且於中國武漢開設3家分店，未來亦打算繼續在內地發展。