絲絲講場：利信達有「古仔」好生意

事先張揚續約加薪

執董兼行政總裁劉舜慧（Alice）都話，今年都會繼續同古仔續約，仲透露會加人工，可見呢招「美男計」物超所值啦。

利信達今年中期業績嘅女鞋、男鞋市場零售收入都按年升逾兩成，足見古仔魅力非凡，連Alice都忍唔住話，古仔喺亞洲知名度真係好高。既然大家合作關係又愉快，續約都會加人工。不過，廣告代言費屬商業秘密，Alice淨係話，廣告及市場推廣費用嘅相關佔比唔會大升，因為睇好整體銷售額有較高升幅。

Alice又話，今年聖誕節期間部分鞋款會降至六折左右，不過並唔會對集團整體毛利有太大影響。