期指觀瀾：短期調整或未完成

近期美股轉弱，反而有資金捧中港等落後股市。踏入八月，道指累跌2.6%，反之港股升2.9%，滬綜指錄得3.7%升幅，最明顯係上周四晚道指跌225點，港股周五僅跌21點，有迹象擺脫美股弱勢影響。

今日光大証券為A股的錯盤時件平倉，會否令滬綜指回落？牌面睇機會好大，但據聞該行已在上周五累積龐大股指期貨空倉作對沖。

講番大市，恒指由五月高位23,512點見頂跌至19,426點，0.764反彈阻力22,548點，上周一連三日即市觸及而未能破位收市，相當可惜，如果今日未能攻破，由於上周四已出現十字星短期轉勢訊號，或者指數有機會先回試10日及20日平均線，即22,125及21,978點測試支持。

上周早市期指跌至22,280至22,385點入市目標範圍，先以三分一注碼試買，暫時會保留實力，若短期進一步調整至上述支持位，或考慮加注。

John Mullen