金占士聽聞，台灣業界嘅建議，有小籠包債、珍珠奶茶債、蘭花債等，都係台灣出名嘅食物或者特產。亦有人建議取名阿里山債，貪佢聽起上嚟威風些少。券商澳盛亦湊熱鬧，建議以台東嘅旅遊景點為名，取名太魯閣債。
點心債稱號具通用性
其實，依家喺香港經常聽到嘅點心債，已經泛指喺中國大陸境外發行嘅離岸人民幣債券，所以無論係喺香港、倫敦、新加坡發行嘅人債，一般都通稱點心債。其實台灣亦可用同一個名，如果要改個新名，就要睇巿場將來係咪接受喇。
債券嘅命名一般會揀當地最具代表性嘅事物，如喺中國發行嘅人債叫熊貓債，喺日本發行嘅日圓債叫武士債，澳洲嘅澳元債叫袋鼠債，美國嘅美元債叫洋基債，韓國嘅韓寰債叫泡菜債咁。
金占士