提高出價仍難睇好
聽講巴菲特一向都唔鍾意參與敵意收購嘅投資活動，不過今次帶巴菲特「入局」嘅係Coty智囊之一、而且備受巴菲特賞識嘅銀行家特羅特（Bryon Trott），消息仲話巴郡會出25億美元添。
講番Coty最新收購價係107億美元，比上次提高咗6.5%，不過就要求雅芳喺下星期一（十四日）工作日結束前開始談判，否則將會撤銷報價咁話。
睇番資料，有消息話Coty舊年一直嘗試賣盤畀雅芳都唔成功，但又急於合併，所以先想反過嚟收購雅芳，而由於Coty規模細過雅芳好多，所以市場就話呢個係「蛇吞象」。照絲絲睇，新價又唔係高好多，考慮時間咁短，唔知今次雅芳嫁唔嫁得出呢？