黃智雯問趙希洛借100萬
無綫花旦黃智雯的網上頻道有新搞作，今次整蠱好姊妹趙希洛，實行友情大考驗！一開始她吞吞吐吐，其後講出來電目的：「我想買樓，但首期仲差啲，想問你借100萬。」希洛靜下幾秒，然後一口答應：「好，你畀啲時間我研究。」
智雯乘勝追擊，大打人情牌說：「我淨係問你一個，因為你係我最好朋友，你可唔可以借到100萬畀我？」但講完即偷笑，又踢爆對方有很多私己錢，希洛說：「未必有100萬咁多，但盡借。」任務成功後，智雯隨即開估是整蠱電話，希洛即沒好氣說：「我以後都唔愛你。」並笑言逼對方幫她生仔作補償。