傳與富二代甩拖 龔嘉欣：享受一個人！
龔嘉欣近年於事業上拚搏，希望坐上視后寶座，當中劇集《殺手》的女殺手一角更被睇高一線！雖然一直有傳她與富二代拍拖，更傳出結婚，但她一概否認，強調享受一個人的時間。
現年30歲的無綫藝人龔嘉欣向來愛得低調，身邊好姊妹陳凱琳、譚凱琪相繼結婚生仔，但她表示不心急，着重事業多於一切。處於搏殺期的她，不甘心就此結婚做少奶奶，之前更揚言向視后進發，望事業更上一層樓！
「好多目標未達到」
去年傳出她與30多歲的馬來西亞富二代拍拖，對方更打本給她做火鍋生意，但近日有指二人經常分隔兩地，感情難以維繫，戀情告吹！對此，龔嘉欣昨日受訪時說：「我哋一路只係朋友關係，我好享受依家一個人嘅時間，對我嚟講，做嘢一定係最緊要，我仲有好多目標未達到，所以會更加專心喺做嘢方面，唔會令大家失望。」
否認減產推劇
剛拍畢劇集《香港愛情故事》的她，最近又為新劇《金宵大廈II》作準備，對於被指減產並推掉監製陳維冠作品《七公主》，她說：「監製之前畀咗《殺手》中嘅Dark Angel角色我，個角色咁好，佢再開劇當然爭住做，又點會推！」