藝人王君馨（Grace）父親節時與老公Daniel遇上車禍，傷及胸部、頸部、背脊及頭，君馨昨日在社交網上載與老公出海相，留言表示老公雖然受傷，但仍堅持陪團隊參與龍舟競賽，令她相當佩服：「真係好為我老公驕傲，佢朝早6點起身同埋完成三項賽事。雖然尋日遇上交通意外，但佢仍堅持喺赤柱參加龍舟競賽決賽。佢唔想令隊友士氣受挫，所以強忍尋日意外導致嘅頸部同膊頭痛楚去完成。喺我眼中，佢係真正嘅冠軍！多謝教會嘅朋友一早去赤柱支持佢。」