鄺潔楹 28歲生日 猛男等收工慶祝
「仙氣女神」鄺潔楹（Judy）於無綫處境劇《愛．回家之開心速遞》中飾演拜金女「Venus」，成功入屋。日前她28歲生日，與同劇演員周嘉洛、吳偉豪、梁茵及張明偉等慶祝。眾人專誠等壽星女收工，之後送上親手寫的生日卡，相當有愛。
Judy在社交網留言：「嗰日朝早8點已經同幾位大小鮮肉開工，到夜晚7點，無諗過換完衫上canteen，仲見到大家坐喺度（平時大家都即刻閃人），仲一齊寫咗張生日卡畀我。Venus無咩好，係好在有呢班朋友仔，老套都要講句，真係前世修來嘅福氣。」