摩打手咪亂玩　睇寫真更興奮

襪褲女神Po新相

日本有唔少超人氣女Coser，有「襪褲女神」同「胖次姬」之稱嘅「あまつ様」（Amatsu Sama）就係表表者。所謂「胖次」，係英文「Panty」轉換成日文而嚟，意思即係底褲咁解。呢位樣貌好似動漫女角色嘅美少女，之所以有咁嘅稱號，係因為佢憑住性感襪褲同底褲造型，成功冒起，深得一眾日本男士嘅歡心，每次有新寫真相或寫真集推出，都會引嚟一番哄動。最近阿妹又為日本雜誌《Young Champion》影寫真，仲喺網上分享咗啲相片，因外形實在太正，令好多網民睇得勁興奮。其實阿妹曾經影過背面全裸嘅寫真，換上內衣造型亦非常Sexy，但係一啲都冇意淫嘅感覺，其身上仲有種天使般嘅氣質呢！

話題女神掀修圖潮

講起網絡紅人，點能夠唔提日本AV女優深田詠美，老實講，就算佢唔演AV，轉做KOL，一樣多人留意。話說，阿妹之前喺網上出帖話：「我乜都可以教你啊！」之後，佢每次出帖，幾乎都會被日本網民惡搞，因而獲得「網絡話題製造者」嘅稱號。最近，阿妹喺網絡上載咗一張自拍相，然後問粉絲：「咁樣好睇嗎？」即引起一陣修圖潮，有人將佢嘅甫士修改成參加背泳比賽嘅選手，甚至有人將佢變成格鬥遊戲中嘅女戰士等等。而阿妹不愧係社交高手，感謝網民幫佢修圖之餘，仲話感覺好開心，更加話自己張原圖係免費素材，畀大家任修唔嬲添！

神之手幾隻至夠？

日本人氣AV男優加藤鷹憑住「神之手」，令唔少女優潮吹，當中嘅技術被稱為「指入」（指入れ）或「手男」（手マン）。日本官能小說家大泉里香對呢種AV演出中嘅指定動作產生疑問：究竟喺指入嗰陣，女士接受到幾多隻手指呢？喺718名參與調查嘅女網民中，32%只能接受一隻手指，53%覺得兩隻手指就夠，4%認為三隻手指或以上都冇問題，但有11%坦言一隻都唔得！拒絕被指入或最多只能入一隻手指嘅女士稱，指入根本唔舒服，唔係男伴嘅指甲長，就係佢哋總以為指入時好似摩打手咁先會令女士興奮，但明顯事實唔係咁。就連性學家都話，男士睇得太多AV，因此對指入有誤解，其實指入對好多女士嚟講，一啲樂趣都冇，若然想令女士興奮到潮吹，不如刺激對方其他敏感帶，效果反而會更好。

撰文：魂