- on.cc 東網主頁
- 3月31日 (一)
藝人譚俊彥（Shaun）前日拍攝無綫劇《特技人》一場碌落山戲，被玻璃鎅傷手要縫18針，昨日他帶傷與朱晨麗在堅尼地城繼續拍攝，Shaun左手手掌兩處傷口貼上膠布，並戴上透明手套以防感染，他透露昨日是拍文戲，但抱起朱晨麗一幕要替身代勞。問何以不停工？他說：「我唔想阻大家拍攝時間，都係皮外傷啫！（傷口好痛？）縫針唔算痛，係打麻醉針嗰陣好痛，依家冇咩事喇！之後仲有場戲我要由架車跌落地，我仲有隻右手！」他表示前晚回家後，太太見他滿身瘀傷忍不住落淚，最想跟太太說句對不起。而朱晨麗為拍檔受傷感心痛，大讚對方是硬漢子，問有否照顧對方？她說：「佢受傷好多嘢唔方便，我哋想幫佢，佢都話唔使。」
另外，同樣受傷的藝人李思欣昨日出席活動，日前不慎跌倒的她右膝包上紗布，行動時小心翼翼：「縫咗五針，怕傷口爆開，腳只可以微彎。」又笑言是短期內第三次傷腳，要拜神求保佑，又直言怕留下傷疤而戒口。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
