嫌激情戲唔夠淫 黎耀祥：下次會努力啲
視帝黎耀祥、龔嘉欣、高海寧與江嘉敏等昨日在將軍澳電視城宣傳無綫劇《殺手》，提到黎耀祥與台灣辣妹有連場親熱戲，他笑言：「老婆話唔夠入肉！劇本寫到好淫蕩，老婆都話驚睇到呷醋，所以有史以嚟唔喺現場，但係拍出嚟得五成，下次拍『動作戲』會努力啲。」而他與嘉欣亦不乏身體接觸，最激一場戲被女方騎在身上，他說：「因為嘉欣要伏喺我心口度，只能坐喺『祥仔仔』上面，不過拍嗰陣有好多被冚住，唔係好應嘅，只係感覺上尷尬。」
至於江嘉敏早前與馮盈盈去「船P」被撞破後鬧翻，不和升級，她說：「呢單嘢已經完咗，要回應、要講嘅、要唔開心嘅、要嬲嘅都已經過晒，唔想再提呢件事，唔想再發表任何意見，唔想件事再發酵落去。」
