松岡東京直擊冷清如世界末日

日本新冠肺炎確診個案持續遞增，東京等七地更進入緊急狀態。身在當地的日模松岡李那，前日與「日本通」兼經理人王友良（Ivan）直擊「星期日的東京」，走訪新宿、原宿竹下通、表參道及涉谷等港人熱點，市面一片冷清，昔日車水馬龍的情況已不復見，不少百貨公司及潮店暫停營業，只有藥妝店及超市繼續開門，涉谷十字街頭及新宿車站更出現奇景，未有人頭湧湧。

處女開舖冇得見證

松岡甫見Ivan即「求救」，指口罩存貨只剩4、5個，Ivan立刻送上50個口罩。她直言在東京數月，未有「回鄉」返廣島：「雖然我喺日本，但有留意香港情況，依家全世界最重要做嘅係盡量留喺屋企，減低感染機會，咁樣唔單止可以保護自己，更唔會添加前線嘅負擔同影響到身邊人，唔好諗住留喺屋企好孤單，個個都一樣。我有響應政府呼籲，盡公民責任唔好返鄉下，本來我喺廣島會開居酒屋，係我咁大個女第一次開舖頭，但呢幾個月只能喺東京遙遠控制，就算開張我都未知係咪去到。（其他工作受影響？）本來要飛美國荷里活做電影casting，但全部要暫緩。」

王友良身邊人現病徵

Ivan表示在日本居住多年，從未見過市況如此冷清，他說：「就算日本經歷過3．11東京大地震，都未試過個景象好似世界末日咁，之前仲出現搶廁紙等情況。雖然政府冇限聚令，但市民都自律少咗出外，好似藥妝店、超市等都鋪晒膠布，顧客畀錢要保持距離。」他續指身邊有朋友出現失去味覺、嗅覺甚至發燒等病徵，但致電求助熱線卻被拒絕安排病毒測試，只着其朋友留在家中休息。