女人要保持年輕，心態好緊要，只要心態夠年輕，年紀大啲啲仍可予人活力十足嘅感覺！就好似今日介紹嘅手島優，佢喺寫真界已屬於「長者」級，但係因為心態夠年輕，依然勁有吸引力，迷倒唔少粉絲呢！
日本寫真界可謂新人輩出，好多女優只係十八廿二，但與此同時，業內依然有好多年過三十嘅女優存在，佢哋對於後浪嘅威脅可以話係未驚過，原因係佢哋保養得宜，魅力更加隨年紀而上升，就好似三女之母熊田曜子，以及年屆37歲嘅手島優。佢同曜子一樣，不但能夠將面孔保持得白白淨淨，更流露出親切美艷嘅姊系風情。身材方面，手島優一樣婀娜如昔，對I奶不但堅挺，肌膚更加係水嫩白滑，甚至屬於白裏透紅嘅一類，真可謂天生麗質！
手島優自細想成為搞笑藝人，後來去到藝能事務所自薦做演員，成功獲得取錄，初次演出嘅電視劇係《偵探保健所的歐巴先生》。之後，手島優因人靚身材正，被發掘去拍水着寫真，人氣隨即彈起，成為一代寫真天后，亦因為佢擁有姊系氣質，所以被稱為御姐女神。
出道以來，手島優一直冇停過作出新嘗試，曾經同其他寫真妹組成「爆乳洋基」，又為家鄉足利市擔任一日市長及觀光大使，上年亦緊貼潮流做網紅兼唱歌。今年，手島優更喺寫真演出中大玩SM，被人用繩綁到變大閘蟹，又玩埋手拷、鎖鏈。受新冠肺炎影響，最近手島優亦試過買唔到廁紙，當佢向屋企人求救時，佢阿爸傳來一張照片，上面寫着：要晒屋企嘅廁紙？全部要晒？畀100萬啦！手島優將事件分享出嚟，大家都表示佢阿爸好搞笑，兩父女感情一定好好，可能係得到阿爸嘅遺傳，所以手島優份人樂觀又積極，仲相當敢玩呢！
手島優經常將自拍嘅性感照與寫真演出照上載至社交網，公諸同好，Click入其個人Twitter睇睇，定必大飽眼福。
網址：https://twitter.com/piyoteji?lang=ja
年齡：37歲
身高：5呎5吋
三圍：37I-24-34
撰文：賢