阮兆祥組新草蜢 激咀蔡一傑

蔡一智（左）、阮兆祥與蔡一傑識於微時，感情好到不得了。

「你幾大面呀」

全晚高潮位是祥仔憶述1992年拍處男劇《沖天小子》時，與蔡一傑、蔡一智、蘇志威及張智霖合作，隨即唱該劇主題曲《三分鐘放縱》，High爆的他臨時邀蔡一智及早前宣布取消三場伊館騷的蔡一傑上台合唱，傑仔甫上台即與祥仔激咀，傑仔笑言：「早知係咁就唔要蘇志威！我依家宣布2019年『新草蜢』。」祥仔說：「有蔡一傑嘅草蜢就係Wonderful！」傑仔答：「我唔做演唱會都嚟睇你演唱會，你幾大面呀！」之後「新草蜢」合唱《三分鐘放縱》。

祥仔感激說：「完成咗30年嚟嘅夢想，今次完成咗一個創舉，不惜工本，你睇個舞台幾靚。」邊講邊脫下黑色斗篷，大騷內裏Bling Bling西裝，當粉絲大嗌「靚仔」，他即笑言：「唔好亂嗌，呢啲係國家機密，唔可以透露！」去到尾聲，祥仔不禁落淚，觀眾即大叫「唔好喊」，重拾心情的他最後唱《月兒彎彎》作結。

蔡一傑攬實阮兆祥咀嘴。	阮兆祥於演唱會上施展渾身解數。	曾志偉（右）與王祖藍睇到手舞足蹈。