龍小菌搞樂隊 自資六位數出碟

由龍小菌帶領的樂隊帶菌者前晚出席音樂祭，講到有份參與籌備，小菌說：「係，都有其他人幫手，做搞手又做演出，都係第一次有呢個挑戰。」講到樂隊在港難搵食，她笑說：「所以我哋生存畀你哋睇。」他們希望團結到不同樂隊，下次再到更大地方演出，並透露明年2月會在Music Zone舉行首個專輯發布會，是自資出碟及開騷，其中出碟已花費六位數字：「不過我哋每次有演出就會儲埋啲收入，然後攞嚟做歌。」小菌又指今次售票演唱會是組樂隊後首個較為完整的演唱會，問到開騷可有壓力？他們說：「我哋全部覺得唔辛苦同冇困難，因為預咗，如果好鍾意做嗰樣嘢唔會覺得辛苦。」