陳婉衡36E導彈凸圍鎮壓雷神

澳洲男星「雷神」基斯漢斯禾夫（Chris Hemsworth）前晚在峇里為新片《黑超特警組：反轉世界》（Men in Black：International）造勢，身懷48吋「胸器」的他雖玩密實封胸，但仍難掩健碩身材，加上他打親民牌在台上說了數句印尼話，又說當年在此舉行婚禮，頓令現場大批粉絲尖叫。

不停向粉絲放電眼及揮手微笑的他，走到不同的粉絲區，有求必應的簽名及玩自拍。難得「雷神」近距離接觸，令粉絲陷入瘋狂狀態，最後工作人員為保安全，上前拉走他，令最後一個粉絲區落空冇簽名。此時有粉絲大叫「Ragnarok！」即是舊作《雷神奇俠3：諸神黃昏》的片名時，基斯即巨胸急轉彎，轉身跟粉絲補簽名，識做！

單獨訪問好難做

當中有幸被「雷神」選中玩自拍的是36E無綫咪神陳婉衡！早前在布吉慶祝生日並在當地拍了多張火辣水着照的她，原來被無綫委派飛到峇里採訪「雷神」。以小背心騷事業線大拋「導彈」的她一副戰鬥格，一早在紅地氈霸頭位，難怪贏在起跑線成功集郵，識做地以波餅「回贈」！事後她網晒集郵照，留言指不介意拍照時自己「個樣未ready」，更套用「鐵甲奇俠」的金句向「雷神」示愛：「I love you 3000！」

昨日陳婉衡回覆本報：「當時我喺紅地氈時，佢啱啱走咗嚟我個位，可以同佢合照，我覺得係夢想成真，因為我本身係超級鍾意雷神！所以我知道去呢個trip時，真係開心咗好耐。之後同雷神有個單獨四分鐘嘅訪問時間，但呢個訪問真係好難做，因為佢真係好charm（有魅力）好charm，好難令我集中到精神，佢真係好nice、好friendly！」