張崇基張崇德 打游擊巡唱
歌手張崇基與張崇德昨日錄影ViuTV音樂節目《Chill Club》，希望香港多些這類型音樂節目：「以前我哋細個就係追呢啲音樂節目，有現場樂隊同觀眾，希望變番個潮流。（好似開騷咁？）係呀，我哋叫歌迷當演唱會嘅氣氛嚟玩。」
問到可有在港開騷計劃？兩兄弟表示：「出年唔會住，反而傾緊澳洲、內地演出，因為上次好有心機去揀歌，想將成個騷帶去第二度做，希望去多啲地方做吓先，同埋依家年紀愈嚟愈大，搞演唱會壓力亦愈嚟愈大，所以咁樣可以舒服啲唱歌。」他們表示年底會先到內地開騷：「盡量希望同上次香港一樣班底。（當巡迴咁做？）有啲似打游擊，唔使長遠計劃，邊度搵我哋就去邊度。」