貝安琪2歲囝囝精通四語
中德混血名模貝安琪（Ankie）2017年為加拿大籍老公誕下兒子Sebastian，為家中帶來不少歡樂。2歲人仔的Sebastian行路都未穩，卻已識講四種語言，溝通對答如流，Ankie笑說：「我同佢講德文同埋廣東話，我老公就同佢講法文，我媽咪都係同佢講廣東話，工人姐姐就講英文。我覺得溝通好重要，同埋我屋企個個都識講3至4種語言。雖然過幾年可能會好辛苦，不過其實係好事嚟，到佢大個就覺得開心。當年我喺紐約讀大學，成日去China Town買嘢都有折扣，因為佢哋覺得鬼妹識講廣東話好正！」
演壞人角色
大部分父母教育孩子時，分別扮演「好人」與「壞人」，Ankie自認在家中是「壞人」：「我唔會罰佢，但會同佢講道理，畀佢知做錯啲咩。每個家長都想小朋友清楚條底線，好多兒童心理學家都話小朋友係鍾意有底線地管教，不過我絕對唔會打，我都想小朋友長大後當我係朋友。」問到對兒子有何期望？她坦言不要求囝囝有偉大成就，只希望他保持善良的心：「希望佢心地好，不過唔好畀人呃，點都要對人哋好。」
育兒貼士
1.給予孩子自由發揮、創作空間。
2.孩子做錯事時，講道理讓他明白錯誤。
3.不要吝嗇讚美，多鼓勵孩子。
