馮熙淳疑違約選亞姐 何紫綸追究到底
前港姐陸詩韻、歌手可嵐及名模何紫綸（Ann）等前晚現身晚宴，提到2019亞洲太平洋國際小姐總決賽（香港區）冠軍馮熙淳，今年同時參加亞姐競選，身為亞洲太平洋國際小姐主辦人之一的Ann稱已交由律師去處理：「佢（馮熙淳）係冇正面回覆過我公司，我哋有同律師溝通同發信畀佢，佢同我公司有合約，所以會追究到底，佢係唔可以同時參加其他選美。」
陸詩韻回想當年選美時乖到不得了：「我係唔會遲到，叫我行就行、企就企，呢方面我起碼有99分。」可嵐則透露最近忙打理糖水店，雖然近月因社會氣氛而影響生意，但仍決定在逆市下再開分店。