Victoria唔怕醜怕變「迪麗月巴」

環球唱片打造的二人組合LuvDat（凹凸），有一雙大眼睛的成員Victoria，被網友指她貌似內地女星迪麗熱巴，她說：「入行後可能化妝技術進步咗，有朋友話我似新疆人，似唔似熱巴？少少啦。我唔係特登扮佢，所以啲人話我唔似、話我醜樣，我又覺得冇嘢。」她反而介意別人指她肥：「睇到啲評論覺得好笑囉，啲人幫我改花名，叫我迪麗冷巴、迪麗月巴，加埋就係肥字，呢個比較衝擊，有中槍感覺，因為好多人話我肥，連公司啲人話我上鏡塊面比較脹，條腿又較粗。」