印度裔藝人喬寶寶2006年憑無綫節目《殘酷一叮》入行，之後機會不斷，惜近年經濟低迷收入大減，令他決定提早跟無綫完約，他謂：「我同無綫仲有一年約，決定提早走，好唔捨得，亦好多謝咁多年幫過我嘅恩人，但近年真係好靜，我留喺香港都冇嘢做，倒不如返蘇格蘭同屋企人一齊！」寶寶於香港的餐廳生意早已結束，至於早年與友人合資搞的生果店，他亦會退股，預計明年二、三月左右就會結束香港的一切，舉家返回蘇格蘭。
