馬國明想靚湯學廚打造完美女友
馬國明昨日為黃淑儀新一輯烹飪節目記者會撐場，他指女友湯洛雯只會煮簡單菜式，認為女仔廚藝叻會更完美，言下之意，「靚湯」仍有加分空間。
藝人黃淑儀昨日在將軍澳電視城為新一輯48集的節目《Gi味俱全2》舉行記者會，並邀請了劇集《On Call 36小時》中的兒子馬國明撐場支持。
馬國明自言只會做簡單菜式，並稱要向黃淑儀偷師，問到女友湯洛雯可有試過其手勢？他笑說：「要煮都煮畀阿媽食先，佢未試過我嘅手勢，因為我自細同媽咪一齊住，所以好少機會下廚。（有冇試過女友嘅手勢？）佢都只係識簡單菜式，我哋一齊煎過牛扒。（女友識煮餸係咪更加完美？）女仔廚藝叻當然會加分啦！」黃淑儀即說：「女仔只要識煮3個餸喺啲紀念日用就夠，日日煮就變咗奉旨，唔識珍惜。」
諗新菜式有挑戰
講到新節目，黃淑儀笑言原以為已出了14本烹飪書已足夠節目用，可以「偷雞」，但因要配合贊助商創作新菜式，故有少許難度。對於早前曾跟鄧達智飯局，對方隨後確診新冠肺炎，她為求安心也去了做檢測。現時鄧達智已康復出院，問她會否探望對方？她笑說：「唔會喇！佢住咁遠，電話問候就得。」