傅穎簡易炮製網紅荷包蛋咖啡

女星傅穎擁有中級咖啡師文憑，飲咖啡已是她的日常，經常在網上大騷拉花功架，今次更拉出荷包蛋，片段中她示範近期大Hit的荷包蛋泡沫咖啡的製作方法，她笑言曾有朋友誤以為她要加荷包蛋上去，亦有人以為她是用荷包蛋橡皮糖，她笑說：「整呢款網紅荷包蛋拉花咖啡，有好多唔同方式，有人用杧果肉代替蛋黃，我唔想搞咁多嘢就用奶泡，咁啱有薑黃粉，所以好簡單就整到。」並說：「其實拉花喺考試時只係其中一part，我唔係識拉好多款，唔係好叻，考試都係僅僅過關，之後靠喺屋企練習玩吓，有時雕花有時拉花，當你知道拉花嘅模式係點，就可以自己創作。」