Cara G.細女易湊多人錫
模特兒Cara G.昨晚亮相時裝比賽活動，收身成功的她忙於湊三個半月大的細女Noa：「好忙，但Noa好乖，好易湊，二女成日夜晚都唔瞓，好似殭屍咁。」她透露大女對妹妹愛護有加：「佢好錫Noa，直情迷戀佢咁，成日話佢好靚，如果有人掂佢，大女會唔鍾意，仲會喊。二女就冇咁迷戀，但都好鍾意細女。」Cara又謂現在仍餵人奶：「我覺得瘦唔係因為餵人奶，餵人奶係會令身體復原得好啲。」
同場還有名模馬詩慧與大女王曼喜，問到媽咪有否幫手設計時裝品牌？王曼喜說：「都可以。（覺得媽咪設計唔啱？）佢設計過畀我，佢啲嘢好啱潮流，不過我啲時裝比較簡約，時機未到，但都會用佢設計。」
