劉倩婷讚李丞責 處男騷唔Chok
堪輿學家李丞責前晚在灣仔會展為時裝展行Catwalk獻出「第一次」，太太劉倩婷給予120分：「本身對佢期望太低，佢話平時做嘢上台講兩個鐘都冇問題，但今次就好緊張，但因為想支持本地創作同設計師好友，所以幫手打頭陣出場。」又讚老公行騷最成功是一點也不Chok。
睇騷的劉玉翠讚老友關寶慧穿得鮮艷吸睛，關寶慧笑說：「我着到成隻鸚鵡咁，李丞責師傅叫我着鮮艷啲，同埋留長髮，仲話去年開始有七年姻緣，雖然七年後我『登六』，但如果有得着婚紗靚都OK。」同場的陳爽指仔女開學暫可甩身：「最驚個女返學恰其他小朋友，佢同哥哥成日喺屋企打交。」
