離開屋企太耐，始終都會想起屋企嘅溫暖。日本寫真界間中都會有女優回歸，不過大家唔使驚佢哋離開得太耐身材會走晒樣喎，因為就算唔拍水着寫真，好多女優都會努力保持身材健美誘人，就好似有「奇迹纖腰」之稱的佐野雛子咁喇！
最近對於日本寫真迷嚟講有一個壞消息，就係擁有纖腰、巨乳、長腿以及甜美俏麗面孔嘅火辣尤物小倉優子，喺推出最新一本寫真集之後宣告封胸，從此全力向藝能界發展。不過，大家唔使擔心，因為寫真界一向不乏優質新人，近期更加有一位弗到爆燈嘅絕色美人兒回歸，佢就係佐野雛子喇！
24歲嘅佐野雛子擁有一副清新又整潔嘅正統派美貌，風姿綽約又甜美亮麗，令人精神一振！佢嘅身材更屬於超絕品，上圍對天然G奶彈力十足又飽滿圓潤，而且仲擁有一條被稱為「奇迹之纖腰」嘅21吋水蛇腰，配合肌膚水潤夠彈性，仲帶健康古胴膚色，一睇就知雛子充滿青春陽光能量！
雛子喺就讀高中二年級嘅時候已經天生麗質，所以一邊讀書一邊兼職做雜誌模特兒，故投身寫真界對住鏡頭擺甫士可以話駕輕就熟，憑住纖巧身材及極品巨乳，加上清麗面孔同亮麗笑容，火速成為寫真界寵兒。雖然佢演出性感，但係形象保持健康又帶陽光氣息，因而成為電視節目爭相邀請作嘉賓同主持，甚至搵佢拍劇，而雛子首次演出嘅日劇就係《大東京玩具箱》。
喺電視界發展如意，搞到雛子有一段日子放低拍攝寫真工作，不過有人發現佢冇拍寫真可能係因為掛住溝仔喎！話說上年有人發現雛子出現喺上海，偕同一位富二代玩夾公仔機，不過二人嘅關係有冇延續落去就未知，但就肯定雛子近期回歸寫真界，再次為大家展露超絕品身材，更加嚟個「下乳解禁」，喺演出中首次露出南半球，成功喺寫真界製造哄動！
簡介：佐野雛子近期回歸寫真界，成為好多雜誌邀請嘅對象，想知道雛子最近拍咗幾多性感寫真，可以Click上佢嘅社交網睇睇。
網址：https://twitter.com/hinachimuu?lang=ja
年齡：24歲
身高：5呎3吋
三圍：33G-21-32
撰文：賢