方力申喪食備戰環島游
方力申是遊戲節目常客，日前在訪問中被問到玩遊戲是否很好勝？他笑言一直處於「下靶位」：「只會諗個節目效果好唔好，我唔介意輸，但輸就要輸得徹底先搞笑！」他坦言對藝人身份感自豪：「入行做藝人就要帶歡樂畀大家，所以好少接啲太文藝、災難、悲傷嘅戲，做過嘅綜藝節目，例如《美女廚房》，都係好歡樂。（之前講過話想再拍，安排緊？）半講笑、半講真啦，出街都有好多人問我幾時開拍，但要實行唔係容易，依家都有重播，我啲游水學生，5、6歲都有睇！如果成事，自己都好期待。」
他於兩個月後會為缺水的貧困人口作慈善挑戰環島游，為求保持最佳狀態，半年前已開始緊密排練，絕不臨急抱佛腳。他指游水是一項高度燃燒體能的運動，最近都「食大咗個胃」，為今次極限挑戰決定豁出去喪食。問到目前已籌得的善款數字？他透露距離目標450萬，已達成一半，有信心在餘下的時間爆Quota。